A Mancomunidade de Concellos da Comarca de Ferrol, xunto cos concellos de Narón, Valdoviño e Cedeira, puxo en marcha no mes de novembro o Programa Integrado para o Emprego “Territorio de Emprego 2013-2014” que se prolongará ata outubro de 2014. Esta iniciativa enmárcase nas liñas de actuación da entidade que promoven a cohesión dos concellos, a optimización de recursos materiais e humanos, o fomento da creación de emprego e o desenvolvemento do territorio.
Trátase dunha iniciativa da Consellería de Traballo e Benestar, dentro das medidas activas de emprego dirixidas a inserción laboral das persoas en situación de desemprego a través dun tratamento integral.
O obxectivo do Programa “Territorio de Emprego 2013-2014” é proporcionarlle ós participantes os instrumentos necesarios que lles permitan fortalecer e desenvolver as suas habilidades profesionais coa finalidade de insertarlos laboralmente. Para todo isto combinará accións de diversa natureza, como: orientación e asesoramento na busca de emprego, formación, asesoramento para o autoemprego, prácticas laborais, mobilidade xeográfica, prospección de empresas e intermediación laboral.
Os colectivos ós que se dirixe a iniciativa son os seguintes:
- Persoas con discapacidade.
- Persoas en risco de exclusión social.
- Mulleres desempregadas vítimas de violencia doméstica.
- Mulleres.
- Menores de 30 anos.
- Persoas desempregadas de longa duración.
- Persoas inmigrantes.
Territorio de Emprego 2013-2014 ten a súa sede en Narón no Centro de Formación Irmás Froilaz, Avda. do Mar 115 (A Gándara), 15570 Narón (A Coruña).
Tlf.: 981 33 31 35
Se o desexa, tamén pode dirixir unha mensaxe á Mancomunidade a través do seguinte formulario:
Mancomunidade de Concellos da Comarca de Ferrol 