Programa Integrado para o Emprego de Galicia

EQUIPO TÉCNICO E DATOS DE CONTACTO:

— Pedro González Arias, técnico de orientación profesional. Telf. 613 108 535 / 981 333 135 (ext. 2604)

— Mónica Lamas Beceiro, técnica de orientación profesional. Telf. 613 108 530 / 981 333 135 (ext. 2603)

Correo electrónico de Programa: piemancomunidade@ferrol.es

Enderezo: Centro de Formación Irmás Froilaz, Av. do Mar, 115, 15570, Gándara de Abaixo, Narón (A Coruña)

16/02/2023: Posta en marcha das accións do Programa Integrado de Emprego de Galicia 2022-2023

O proceso de selección dos técnicos responsables do programa integrado de emprego concluíu coa selección de Pedro González Arias e Mónica Lamas Beceiro. O correo deste equipo é: piemancomunidade@ferrol.es

Co obxecto de adecuar o desenvolvemento do programa aos intereses e necesidades das usuarias, estase a por a disposición das participantes unha enquisa.

No día de hoxe convocáronse sesións grupais cos primeiros grupos de usuarias do programa.

Programa Integrado para o Emprego de Galicia 2022-2023. AMPLIADA SOLICITUDE ATA O 13 DE XANEIRO

A Xunta de Galicia concedeu á A Mancomunidade de Concellos da Comarca de Ferrol unha nova edición do Programa Integrado de Emprego de Galicia. A administración autonómica e o Servicio Público de Empleo Estatal financian esta convocatoria con 225.000 € sobre 250.000 € do custo total. Vai dirixida a mulleres en situación de desemprego empadroadas nos Concellos de: Cedeira, Valdoviño, Narón, Fene, Neda, Cabanas, Ares ou Mugardos e que cumpran algún dos seguintes requisitos:

  • certificado de discapacidade
  • risco de exclusión social e beneficiarias do tramo de inserción da renda de inclusión social de Galicia
  • vítimas de violencia de xénero
  • menores de 30 anos con baixa cualificación
  • estar desempregadas (e inscritas como demandantes de emprego)

O Programa Integrado de Emprego da Mancomunidade de Concellos da Comarca de Ferrol 2022/2023 ten unha duración de 12 meses e o seu obxectivo principal é achegar ferramentas ás participantes de xeito que melloren a súa empregabilidade e logren a inserción laboral. Os medios que se utilizan para a consecución do obxectivo son moi diversos e adaptados ao perfil de cada persoa.

Con este fin, conxugaranse accións individuais co persoal técnico do programa (orientación laboral, asesoramento, itinerarios personalizados de inserción…) con accións formativas tanto cualificantes (agricultura ecolóxica, peixaría, cociña, limpeza industrial, comercio, reparación de móbiles, xestión de comunidades virtuais…) como de tipo transversal (preparación para as competencias clave, informática, idiomas, habelencias sociolaborais, talleres de busca de emprego, talleres de entrevista…). O persoal técnico tamén abordará a prospección laboral de xeito que en todo momento manterá contactos coas empresas da contorna de cara a coñecer as necesidades do mercado, as posibles ofertas de emprego e poñelas en contacto coas usuarias do programa. O obxectivo mínimo de inserción laboral do Programa Integrado de Emprego deste ano é do 35%.

É importante subliñar que todas estas accións se apoiarán con medidas que permitan a participación das usuarias, de xeito que aquelas que teñan menores ou persoas con discapacidade ao seu cargo (e non dispoñan de recursos de apoio) poderán beneficiarse dun servizo de conciliación. Así mesmo, terán dereito a percibir unha bolsa de 7€ por día de asistencia ás accións do programa.

Esta metodoloxía permite que as participantes amplíen non só a súa cualificación senón que, ao mellorar o coñecemento de si mesmas e do propio mercado laboral, poidan adquirir formación que lles sirva para que a súa busca de emprego sexa máis eficiente e efectiva.

As mulleres interesadas poden ampliar información en www.comarcaferrolterra.es ou poñéndose en contacto con calquera dos seguintes servizos municipais e mancomunados. Para optar a participar no programa deberán cubrir e presentar como máximo o día 13 de xaneiro en calquera destes puntos os seguintes anexos:

Documento informativo solcitude
Anexo III

ConcelloTeléfonoCorreoServizo/Dirección
Ares658493678adl@concellodeares.comÁrea de Formación e Emprego. Casa do Concello, Av. Saavedra Meneses, 12, Ares.
Ares689242598adl@concellodeares.comÁrea de Formación e Emprego. Casa do Concello, Av. Saavedra Meneses, 12, Ares.
Ares (luns, martes e mércores)627586101mmartinez.orientacion@ferrol.esServizo Mancomunado de Orientación Laboral. Centro de Formación Municipal Francisco Vizoso, Avda Francisco Vizoso, 42, Mugardos.
Cabanas981495959emprego@cabanas.galAxente de Emprego e Desenvolvemento Local. Casa do Concello. Rúa do Concello, 22, Cabanas.
Cedeira981480000 ext.4angeles.rodriguez@cedeira.esÁrea de Formación e Emprego. Casa do Concello. Rúa Real, 15, Cedeira.
Fene981492767orientacion.laboral@fene.galArea de Formación e Emprego “Pancho Allegue. Praza do alcalde Ramón José Souto González, s/n.
Mugardos698188608emprego@mugardos.galÁrea de formación e emprego. Casa do Concello, Avenida de Galicia, 45, Mugardos.
Mugardos627586101mmartinez.orientacion@ferrol.esServizo Mancomunado de Orientación Laboral. Centro de Formación Municipal Francisco Vizoso, Avda Francisco Vizoso, 42, Mugardos.
Narón981337.700 ext. 1123a.lagoa@naron.esAxente de Emprego e Desenvolvemento Local. Casa do Concello de Narón, Praza de Galicia, s.n., Narón.
Narón981333135a.alvarez@naron.esCentro de Formación Municipal Irmás Froilaz, Avda. do Mar, parcela 112, Narón.
Neda981380039 ext. 2servizos.sociais@neda.galServizos Sociais. Casa do Concello, av. de Algeciras 34, Neda.
Neda (venres)627586101mmartinez.orientacion@ferrol.esServizo Mancomunado de Orientación Laboral. Casa do Concello, av. de Algeciras 34, Neda.
Valdoviño981487041 ext. 5servizos.sociais@concellodevaldovino.comServizos sociais. Casa do Concello, Porta do Sol, s/n, Valdoviño.
Valdoviño (xoves)627586101mmartinez.orientacion@ferrol.esServizo Mancomunado de Orientación Laboral. Casa do Concello, Porta do Sol, s/n, Valdoviño.
Xeral981944000 ext. 378mancomunidade@ferrol.esOficina da Mancomunidade. Dependencias municipais do Mercado da Magdalena. Rúa da Igrexa s/n, Ferrol